ପୋଖରୀ ଖୋଳିଲେ ବାହାରୁଛି ଖପୁରୀ, ହାଡ଼: ୫୦ ବର୍ଷ ପୂର୍ବେ ବି ଏମିତି ହୋଇଥିଲା...
ବାଲେଶ୍ବର ଜିଲ୍ଲା ସିଂଲା ଥାନା ଅନ୍ତର୍ଗତ ପୁଟୁରା ଗାଁରେ ଥିବା ବଡ ପୋଖରୀରୁ ବାହାରୁଛି ନରକଙ୍କାଳ, ମଣିଷ ଖପୁରୀ ଓ ହାଡ଼ । ଏହା ଦେଖି ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି । ଗାଁରେ ପୋତି ହୋଇ ଯାଇଥିବା ପୋଖରୀକୁ ପଞ୍ଚାୟତ ସମିତି ଦ୍ବାରା ପୁନରୁଦ୍ଧାର ଆରମ୍ଭ ହୋଇଥିଲା । କାମ ବେଳେ ମାଟିତଳୁ ନରକଙ୍କାଳ ବାହାରିଛି । ତେବେ ଏଠାରୁ ଏତେ ସଂଖ୍ୟକ ମଣିଷ କଙ୍କାଳ ବାହାରିବା ପଛରେ କଣ ରହିଛି ରହସ୍ୟ ତାର ତଦନ୍ତ ପାଇଁ ଦାବି କରିଛନ୍ତି ଲୋକେ ।
ଗାଁର ପୁରୁଖା ଲୋକଙ୍କ କହିବାନୁସାରେ, ପୋଖରୀଟି ଶହ ଶହ ବର୍ଷର ପୁରୁଣା । ପ୍ରାୟ ୫୦ ବର୍ଷ ପୂର୍ବରୁ ଏହି ପୋଖରୀଟିକୁ ଶ୍ରମିକମାନଙ୍କ ଦ୍ବାରା ଖୋଳା ଯାଇଥିଲା। ସେତେବେଳେ ମଧ୍ୟ ନରକଙ୍କାଳ ବାହାରିବାରୁ ପୋଖରୀ ଖୋଳା ଅଧାରୁ ବନ୍ଦ ହୋଇଯାଇଥିଲା ବୋଲି ବୟସ୍କ ଲୋକେ କହିଛନ୍ତି । ତେବେ ପୋଖରୀଟି ପୋତି ହୋଇ ଯାଉଥିବାରୁ ପୁନରୁଦ୍ଧାର ପାଇଁ ବର୍ତ୍ତମାନ ପଞ୍ଚାୟତ ସମିତି ପକ୍ଷରୁ ଦୁଇଟି ଜେସିବି କାମରେ ଲାଗିଛି । ପୋଖରୀ ଖୋଳା ଆରମ୍ଭ ହୋଇଥିବା ବେଳେ ପୁଣି ଏତେ ନରକଙ୍କାଳ ବାହାରିବାରୁ ଲୋକଙ୍କ ଭିତରେ ଆତଙ୍କ ଖେଳି ଯାଇଛି ।
Powered by Froala Editor
