ରାଜ୍ୟରେ ହାତୀ-ମଣିଷ ଦ୍ଵନ୍ଦ କୁ ନେଇ ବନ କର୍ମଚାରୀ ମାନେ ସବୁ ବେଳେ ନିନ୍ଦିତ ହେଉଥିବା ବେଳେ, କିଛି ସଚ୍ଚୋଟ ଓ ନିର୍ଭୀକ ବନ କର୍ମଚାରୀ ମାନେ ଜୀବନ କୁ ବାଜି ଲଗେଇ ଗାଁ ଗହଳି ରେ ଉଭୟ ହାତୀ ଓ ଜନ ସାଧରଣଙ୍କ ସୁରକ୍ଷା ପାଇଁ ନିରବିଚ୍ଛିନ୍ନ ଭାବରେ କାମ କରିଚାଲିଛନ୍ତି ।

ରେଢ଼ାଖୋଲ ବନ ଖଣ୍ଡ ରୁ ଏହି ଭଳି ଏକ ଭିଡ଼ିଓ ବର୍ତ୍ତମାନ ଭାଇରାଲ ହେବାରେ ଲାଗିଛି ଯେଉଁଠି, ଜଣେ ଫରେଷ୍ଟ ଗାର୍ଡ ଅତ୍ୟନ୍ତ ବାହାଦୁରୀ ଦେଖାଇ ଫସଲ ନଷ୍ଟ କରୁଥିବା ହାତୀ କୁ କେବଳ ମଶାଲ ଦେଖେଇ ଜଙ୍ଗଲ ଜଙ୍ଗଲକୁ ଘଉଡେଇବା ପାଇଁ ସକ୍ଷମ ହେଇଛନ୍ତି । ଗାର୍ଡ ଜଣଙ୍କ ହେଲେ ଚିତ୍ତ ରଞ୍ଜନ ମିରି । ଚଡଚଡି ଓ ଅଙ୍ଗାବିରା ଗାଁ ମଝିରେ ଏକ ଦନ୍ତା ହାତୀ ଆସି ଫସଲ ଖାଇବା ସହ ନଷ୍ଟ କରିବା ଆରମ୍ଭ କରିଦେଲା । ଖବର ପାଇ ଚିତ୍ତ ରଞ୍ଜନ ତାଙ୍କର ହାତୀ ସ୍କ୍ବାଡ଼ ର କିଛି ୱାଚର ଙ୍କୁ ଧରି ଘଟଣା ସ୍ଥଳରେ ପହଁଚିଲେ । ପ୍ରଥମେ ଗାଁ ଲୋକଙ୍କୁ ସେହି ସ୍ଥାନକୁ ଛାଡିବା ପାଇଁ ବାରଣ କରାଗଲା । ସବୁ ଲୋକେ ସ୍ଥାନ ଛାଡି ଯିବା ପରେ ହାତୀ ଙ୍କୁ ଘଉଡେଇବା କାର୍ଯ୍ୟକ୍ରମ ଆରମ୍ଭ କଲେ ଚିତ୍ତ । ଆଗରୁ ସୁପ୍ରିମକୋର୍ଟ ଙ୍କ ନିର୍ଦେଶ ଅନୁସାରେ ଆଉ ହାବେଳି ବା ରକେଟ ବାଣ ବ୍ୟବହାର ମନା ହୋଇଥିବାରୁ, ହାତୀ ଘଉଡେଇବା ପାଇଁ ଚିତ୍ତ ନିଜେ ଗୋଟିଏ 10/12 ଫୁଟ ଲମ୍ବର ମଶାଲ ଧରିଲେ ଏବଂ ସାଙ୍ଗରେ ଆଉ ଜଣେ ଲୋକ ମଧ୍ୟ ଅନ୍ୟ ଏକ ମଶାଲ ଧରିଥିଲେ । ମାତ୍ର 5 ଜଣ ଲୋକଙ୍କୁ ଧରି ଚିତ୍ତ ରଞ୍ଜନ ନିଜର ଅପରେସନ ଆରମ୍ଭ କଲେ ।

ତେବେ ଫସଲ ଖାଇବା ରୁ ଘଉଡେଇବା ବେଳେ ଦନ୍ତା ହାତୀ ଟି ଲୋକଙ୍କ ଆଡକୁ ମାଡି ଆସିଥିଲା । ଚିତ୍ତ ରଞ୍ଜନ ଙ୍କ ସହିତ ଅନ୍ୟ 4 ଜଣ ଜୀବନ ବଞ୍ଚେଇବା ପାଇଁ ପଛକୁ ଧାଇଁ ଆସିଥିଲେ ମଧ୍ୟ, ସେ କିନ୍ତୁ ଗୋଟିଏ ଇଞ୍ଚ ପଛକୁ ଘୁଞ୍ଚି ନଥିଲେ । ହାତୀ ଟି ଭୟଙ୍କର ରୁପ ଧରି ମାଡି ଆସିଥିଲେ ମଧ୍ୟ ଚିତ୍ତ ରଞ୍ଜନ ଅବିଚଳିତ ଭାବରେ ନିଜ ସ୍ଥାନରେ ଛିଡା ହୋଇ ସାହସ ର ସହିତ ହାତୀକୁ ଜଳନ୍ତା ମଶାଲ ଦେଖାଇଥିଲେ । ହାତୀ ମାତ୍ର 15 ଫୁଟ ଦୂର ରେ ହଟାତ ରହିଯାଇଥିଲା । ଏହା ପରେ ଅନ୍ୟ ଏକ ମଶାଲ ଦେଖେଇ ହାତୀ କୁ ଚାଷ ଜମିରୁ ଘଉଡେଇବା ରେ ସକ୍ଷମ ହୋଇଥିଲେ ଚିତ୍ତ ରଞ୍ଜନ । 

ଏଇ ଘଟଣା କୁ ନେଇ ଫରେଷ୍ଟ ଗାର୍ଡ ଚିତ୍ତ ରଞ୍ଜନ ମିରି କହିଛନ୍ତି "ମୁଁ କିଛି ବାହାଦୁରୀ କାମ କରିନି । ଯାହା ମୋତେ ବନ ବିଭାଗ ତରଫରୁ ଟ୍ରେନିଂ ଦିଆଯାଇଥିଲା ତାକୁ ପାଳନ କରିଛି ମାତ୍ର । ହାତୀ ମାନେ ନିଆଁକୁ ଭୟ କରନ୍ତି, ଏଣୁ ମୁଁ ଜାଣିଥିଲି କି ହାତୀ ଯେତେ ଚାର୍ଜ କଲେ ମଧ୍ୟ ମୋ ପାଖକୁ ଆଦୌ ଆସିବନି" । ତେବେ, ଲୋକଙ୍କ ଭିଡ଼ ଭିତରେ କାମ କରିବା ରେ ସମସ୍ୟା ସୃଷ୍ଟି ହୋଇଯାଏ । ତେଣୁ ଆମେ ହାତୀ ଘଉଡେଇବା କାମ ଆରମ୍ଭ କରିବା ପୂର୍ବରୁ ସବୁ ଲୋକଙ୍କୁ ସେଇ ସ୍ଥାନରୁ ହଟେଇ ଦେଇଥିଲୁ ।

ହାତୀ କୁ ଜଙ୍ଗଲକୁ ଘଉଡେଇ ସାରିବା ପରେ କାମ ସରିଗଲା ବୋଲି ଭାବିନଥିଲେ ଚିତ୍ତ ରଞ୍ଜନ ମ୍ ଘଟଣା ସ୍ଥଳରେ ରହି ସେହି ରାସ୍ତାର ଯିବା ଆସିବା କରୁଥିବା ଲୋକଙ୍କୁ ହାତୀ ଉପସ୍ଥିତି ବିଷୟରେ ସଚେତନ ମଧ୍ୟ କରେଇ ଥିଲେ । ଖାଲି ସେତିକି ନୁହେଁ, ହାତୀଟି ଗାଁ ପାଖ ଜଙ୍ଗଲ ରେ ଥିବା କଥା ମାଇକ୍ ଧରି ଗାଁ ରେ ପ୍ରଚାର ମଧ୍ୟ କରେଇ ଥିଲେ ।

Powered by Froala Editor