ରିଲାଏନ୍ସ ଇଣ୍ଡଷ୍ଟ୍ରିଜ୍ ଚେୟାରମ୍ୟାନ୍ ମୁକେଶ ଅମ୍ବାନୀ ଗୁଜୁରାଟ ଜାମନଗରରେ ୧୦୦୦ ଶଯ୍ୟା ବିଶିଷ୍ଟ ଅସ୍ଥାୟୀ ହସ୍ପିଟାଲ ନିର୍ମାଣ କାର୍ଯ୍ୟ ଆରମ୍ଭ କରିଦେଇଛନ୍ତି। ରବିବାର ସୁଦ୍ଧା ୪୦୦ ଶଯ୍ୟା ବିଶିଷ୍ଟ ସୁବିଧା ମଧ୍ୟ ଆରମ୍ଭ ହୋଇଯିବ । ଏହି ହସ୍ପିଟାଲ ପାଇଁ ଅକ୍ସିଜେନ୍ ଯୋଗାଣ ଜାମନଗର କାରଖାନାରୁ କରାଯିବ।

ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ସ୍ୱାସ୍ଥ୍ୟ ଭିତ୍ତିଭୂମୀ ଠିକ୍ ନଥିବାରୁ ଅନେକ ଲୋକଙ୍କ ଚିକିତ୍ସା ହସ୍ପିଟାଲ ବାରଣ୍ଡାରେ ମଧ୍ୟ ହେଉଥିବାର ନଜିର ରହିଛି। ତେଣୁ ଦେଶରେ ବିଭିନ୍ନ କର୍ପୋରେଟ୍ ହାଉସ ମାଗଣା ସ୍ୱାସ୍ଥ୍ୟସେବା ଯୋଗାଇ ଦେବାକୁ ଆଗେଇ ଆସିଛନ୍ତି। ରିଲାଏନ୍ସ ଓ ଟାଟା ଭଳି ଦେଶର ବଡ଼ ବଡ଼ କର୍ପୋରେଟ୍ ହାଉସ ଏବେ ଏଭଳି କାମ କରିବେ ବୋଲି ନିଷ୍ପତ୍ତି ନେଇଛନ୍ତି।

ଅକ୍ସିଜେନ ସମସ୍ୟାକୁ ଦୂର କରିବା ପାଇଁ ପ୍ରଥମେ ମୁକେଶ ଅମ୍ବାନୀ ପଦକ୍ଷେପ ନେଇଥିଲେ ଏବେ ରିଲାଏନ୍ସ ଫାଉଣ୍ଡେସନ ୧୦୦୦ ବେଡ୍ ବିଶିଷ୍ଟ କୋଭିଡ ହସ୍ପିଟାଲ ତିଆରି କରିବ ବୋଲି କହିଛି। ରିଲାଏନ୍ସ ଫାଉଣ୍ଡେସନ ପକ୍ଷରୁ ହେବାରୁ ଥିବା ଏହି ହସ୍ପିଟାଲ ଗୁଜୁରାଟର ଜାମନଗରରେ ହେବ। ଯେଉଁଠି ୧୦୦୦ ବେଡ୍ ସହିତ ଅକ୍ସିଜେନ ମଧ୍ୟ ଉପଲବ୍ଧ ରହିବ। ଆଉ ଦେଶର ଏହି ଅଗ୍ରଣୀ କମ୍ପାନୀ ଲୋକଙ୍କୁ ମାଗଣାରେ ସେବା ଯୋଗାଇବ ବୋଲି କହିଛି।

ସୂଚନା ଯେ, ମଙ୍ଗଳବାର ଗୁଜୁରାଟରେ ୧୪,୪୬୪ ନୂଆ ସଂକ୍ରମଣର ରିପୋର୍ଟ ସାମ୍ନାକୁ ଆସିଛି। ମୋଟ ମାମଲା ୫,୧୦,୬୭୩କୁ ବୃଦ୍ଧି ପାଇଛି । ୧୫୮ରୋଗୀଙ୍କର ମୃତ୍ୟୁ ହୋଇଛି। ବର୍ତ୍ତମାନ ସୁଦ୍ଧା ମୋଟ ୬,୪୮୬ ସଂକ୍ରମିତ ଜୀବନ ହାରିଛନ୍ତି। ହେଲଥ ବୁଲେଟିନ୍ ଅନୁଯାୟୀ, ୭୭୨୭ ଲୋକ ସୁସ୍ଥ ହୋଇସାରିଛନ୍ତି। ସମୁଦାୟ ସୁସ୍ଥ ଲୋକଙ୍କ ସଂଖ୍ୟା ୩,୮୨,୪୨୬କୁ ବୃଦ୍ଧି ପାଇଛି। ଏଠାରେ ୧,୨୧,୪୬୧ ଆକ୍ଟିଭ କେସ୍‌ ଅଛି ।

Powered by Froala Editor