କିଛି ଲୋକଙ୍କ ଭିତରେ ମରିଗଲାଣି ମଣିଷପଣିଆ । ୨ ଦିନ ତଳେ ଏକ ଖବର ପ୍ରକାଶ ପାଇଥିଲା ଯେ, ଜଣେ ଚାକରାଣୀ କିପରି ୮ ମାସର ଶିଶୁକୁ ନୃସଂଶ ଭାବେ ମାରୁଛି । ଏବେ ପୁଣି ଏକ ଖବର ସାମ୍ନାକୁ ଆସିଛି ଯେଉଁଠି ଜଣେ ମହିଳା ୭ ବର୍ଷର ଶିଶୁକୁ ନିର୍ଯାତନା ଦେଉଛି । ଘର କାମ ନକରିବାରୁ ଝିଅଟିକୁ ମହିଳା ଗରମ ପାଣି ଛାଟି ଦେଇଛନ୍ତି । ଏ ଘଟଣା ଆନ୍ଧ୍ରପ୍ରଦେଶ ପଶ୍ଚିମ ଗୋଦାବରୀ ଜିଲ୍ଲାର । ତେବେ ଦୁଇଟି ଯାକ ଖବରରେ ନିର୍ଯାତନାର ଶିକାର ହେଉଛନ୍ତି ଶିଶୁ ।

ଝିଅଟିର ବାପା କିଛି ଦିନ ପୂର୍ବେ ପ୍ରାଣ ହରାଇଥିବା ବେଳେ ତାଙ୍କ ମା’ କୁଏତରେ ରୁହନ୍ତି। ଝିଅଟି ତାଙ୍କ ମାଙ୍କ ସାଙ୍ଗଙ୍କ ଘରେ ରୁହନ୍ତି । ତେବେ ସେ ଅନେକ ସମୟରେ ଛୋଟ ଝିଅଟିକୁ ନିର୍ଯାତନା ଦିଅନ୍ତି। ତାଙ୍କୁ ବିଭିନ୍ନ କାମରେ ଲାଗାଇ ଶୋଷଣ କରନ୍ତି। ତେବେ ସେ କାମ ନକରିବାରୁ ରାଗରେ ମହିଳା ଜଣକ ତାଙ୍କ ଉପରକୁ ଗରମ ପାଣି ଫିଙ୍ଗିଥିଲେ। ଏଥିରେ ତାଙ୍କର ଶରୀରୀର ଅଧିକାଂଶ ଅଂଶ ପୋଡ଼ି ଯାଇଛି। ପୁଲିସ ତାଙ୍କୁ ଉଦ୍ଧାର କରି ନିକଟବର୍ତ୍ତୀ ହସପିଟାଲରେ ଭର୍ତ୍ତି କରିଛି । ମହିଳାଙ୍କ କହିବା ଅନୁଯାୟୀ, ଝିଅଟି ତାଙ୍କ ଘରୁ ଅନେକ ସମୟରେ ଚୋରି କରୁଥିଲା। ତେଣୁ ତାଙ୍କୁ ମୁଁ ପିଟିଲି ବୋଲି ସେ କହିଛନ୍ତି। ଏ ଘଟଣା ପରେ ମହିଳାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି ।

Powered by Froala Editor