ଟୁଲକିଟ୍‌ ମାମଲାରେ ବେଙ୍ଗାଲୁରୁର କ୍ଲାଇମେଟ୍‌ ଆକ୍ଟିଭିଷ୍ଟ ଦିଶା ରବିଙ୍କୁ ଦିଲ୍ଲୀର ଏକ କୋର୍ଟ ଜାମିନ ପ୍ରଦାନ କରିଛନ୍ତି। ଏହି ମାମଲାର ବିଚାର କରି ଅତିରିକ୍ତ ସେସନ ଜଜ୍‌ ଧର୍ମେନ୍ଦ୍ର ରାଣା କହିଛନ୍ତି, ହ୍ବାଟ୍ସଆପ ଗ୍ରୁପ ତିଆରି କରିବା କିମ୍ବା ଟୁଲକିଟ୍‌ର ଏଡିଟର ହେବା ଦଣ୍ଡନୀୟ ଅପରାଧ ନୁହେଁ। ଶନିବାର ଅଦାଲତ ଉଭୟ ପକ୍ଷର ଯୁକ୍ତି ଶୁଣିବା ପରେ ନିଷ୍ପତ୍ତି ସୁରକ୍ଷିତ ରଖିଥିଲେ । ଆଜି ଅତିରିକ୍ତ ସେସନ୍ ଜଜ୍ ଧର୍ମେନ୍ଦର ରାଣା ୧ ଲକ୍ଷ ଟଙ୍କା ବ୍ୟକ୍ତିଗତ ମୁଚାଲିକାରେ ଦିଶାଙ୍କୁ ଜାମିନ୍ ଦେଇଛନ୍ତି ।

ପୂର୍ବରୁ ଦିଶାଙ୍କୁ ରିମାଣ୍ଡରେ ନେଇଥିଲା ପୋଲିସ । ଆଜି ଦିଶାଙ୍କୁ ମୁଖ୍ୟ ମେଟ୍ରୋପଲିଟନ ମାଜିଷ୍ଟ୍ରେଟଙ୍କ ନିକଟରେ ହାଜର କରାଯିବା ସହ ରିମାଣ୍ଡ ବୃଦ୍ଧି ପାଇଁ ପୋଲିସ ଆବେଦନ କରିଥିଲା । ରିମାଣ୍ଡ ବୃଦ୍ଧି ନେଇ ପୋଲିସ ଆବେଦନର ଶୁଣାଣି ବେଳେ ଦିଶା ରବିଙ୍କ ଓକିଲ କହିଥିଲେ ପଟିଆଲା ହାଉସ୍ କୋର୍ଟରୁ ଜାମିନ୍ ମିଳିଛି ।

ଉଲ୍ଲେଖଯୋଗ୍ୟ, କୃଷକଙ୍କ ଆନ୍ଦୋଳନ ସମ୍ପର୍କିତ ଏକ ଟୁଲକିଟ୍‌ ତିଆରି ଓ ଶେୟାର କରିବା ଅଭିଯୋଗରେ ୨୨ ବର୍ଷୀୟା ଦିଶାଙ୍କୁ ବେଙ୍ଗାଲୁରୁରୁ ଗିରଫ କରିଥିଲା ଦିଲ୍ଲୀ ପୋଲିସର ସାଇବର ସେଲ। ଖଲିସ୍ତାନୀ ସଂଗଠନ ସହାୟତାରେ ଏହି ଟୁଲକିଟ୍‌ ପ୍ରସ୍ତୁତ ହୋଇଥିବା ପୋଲିସ ପକ୍ଷରୁ କୁହାଯାଇଥିଲା। ଉକ୍ତ ଟୁଲକିଟ୍‌କୁ ସ୍ବିଡେନର ଆକ୍ଟିଭିଷ୍ଟ ଗ୍ରେଟା ଥନବର୍ଗ ଓ ଅନ୍ୟମାନେ ଟୁଇଟରରେ ଶେୟାର କରିଥିଲେ।

30total visits,3visits today