ରାୟଗଡ଼ା ଜିଲ୍ଲା ଚନ୍ଦ୍ରପୁର ଥାନାର ହନୁମନ୍ତପୁର ବସଷ୍ଟାଣ୍ଡ ନିକଟରେ ମାଓବାଦୀଙ୍କ ଧମକପୂର୍ଣ୍ଣ ପୋଷ୍ଟର ଦେଖିବାକୁ ମିଳିଛି । ବ୍ୟାନରକୁ ସିପିଆଇ ମାଓବାଦୀ ବଂଶଧାରା ଘୁମୁସର ନାଗାବଳୀ ଡିଭିଜିନାଲ କମିଟି ପକ୍ଷରୁ ଲଗାଯାଇଥିବା ଉଲ୍ଲେଖ ରହିଛି । ଏଥିରେ ଇନଫର୍ମର ସାଜି ପୋଲିସକୁ ଖବର ଦେଉଥିବା ଲୋକଙ୍କୁ ଚେତାବନୀ ଦେଇଛନ୍ତି ମାଓବାଦୀ । ସିଆରପିଏଫ୍ ଯବାନମାନେ ପହଞ୍ଚି ବ୍ୟାନରକୁ ସେଠାରୁ ନେଇ ଯାଇଥିବା ସୂଚନା ମିଳିଛି ।

ବ୍ୟାନରରେ ଉଲ୍ଲେଖ ରହିଛି ଚନ୍ଦ୍ରପୁର, ହନୁମନ୍ତପୁର ଓ ଜାର୍ପାର କିଛି ଲୋକ ପୋଲିସ ଇନଫର୍ମର ସାଜି ପୋଲିସକୁ ଖବର ଦେଉଛନ୍ତି । ଆସନ୍ତା୨୫ ତାରିଖ ସୁଦ୍ଧା ସେମାନଙ୍କ ସଂଗଠନ ଆଗରେ ଆତ୍ମସମର୍ପଣ (ସରେଣ୍ଡର) କରିବାକୁ ଆହ୍ୱାନ ଦିଆଯାଇଛି । ନଚେତ ସେମାନଙ୍କୁ ପ୍ରଜାକୋର୍ଟରେ ହାଜର କରାଯିବ ବୋଲି ଧମକ ଦିଆଯାଇଛି ।

କିଛି ଦିନ ହେଲା ମାଓ କାର୍ଯ୍ୟକଳାପ ବଢିବାରେ ଲାଗିଛି । ଲ୍ୟାଣ୍ଡମାଇନ ବିସ୍ପୋରଣରେ ଗତକାଲି ଜଣେ ଯବାନ ଗୁରୁତର ଅଛନ୍ତି । ଏବେ ଏହି ମାଓ ପୋଷ୍ଟର ମରାଯିବା ପରେ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ମାଓ ଧମକ ମିଳିବା ପରେ କମ୍ବିଂ ଜୋରଦାର କରାଯାଇଛି । ସବୁଠି ଯବାନମାନେ ପହରା ଦେଉଥିବା ଖବର ମିଳିଛି ।

31total visits,1visits today