କ୍ରମାଗତ ୫ଦିନ ପାଇଁ ଉଭୟ ପେଟ୍ରୋଲ ଓ ଡିଜେଲ ମହଙ୍ଗା ହୋଇଛି। ରାଜଧାନୀ ଦିଲ୍ଲୀରେ ପେଟ୍ରୋଲର ଲିଟର ପିଛା ଦର ୩୦ ପଇସା ବୃଦ୍ଧି ପାଇଥିବା ବେଳେ ଡିଜେଲର ଲିଟର ପିଛା ଦର ୩୬ ପଇସା ବୃଦ୍ଧି ପାଇଛି।
ବର୍ଦ୍ଧିତ ଦର ପରେ ପରେ ଦିଲ୍ଲୀରେ ପେଟ୍ରୋଲର ଲିଟର ପିଛା ଦାମ ୮୮.୧୪ ଟଙ୍କାରୁ ବୃଦ୍ଧି ପାଇ ୮୮.୧୪ରେ ପହଞ୍ଚି ଯାଇଛି। ସେହିପରି ଡିଜେଲର ଲିଟର ପିଛା ଦର ୭୮.୩୮ ଟଙ୍କାରୁ ବୃଦ୍ଧି ପାଇ ୭୮.୭୪ ଟଙ୍କା ଛୁଇଁଛି। ମୁମ୍ବାଇରେ ପେଟ୍ରୋଲର ଲିଟର ପିଛା ଦର ୯୪.୯୩ ଟଙ୍କା ଓ ଡିଜେଲର ଲିଟର ପିଛା ଦର ୮୫.୭୦ ଟଙ୍କା ରହିଛି। ଚେନ୍ନାଇରେ ପେଟ୍ରୋଲର ଲିଟର ପିଛା ଦର ୯୦.୭୦ ଟଙ୍କା ଥିବା ବେଳେ ଡିଜେଲର ଲିଟର ପିଛା ଦର ୮୩.୮୬ ଟଙ୍କା ଓ କୋଲକତାରେ ପେଟ୍ରୋଲ ଏବଂ ଡିଜେଲ ଦର ଯଥାକ୍ରମେ ୮୯.୭୩ ଟଙ୍କା ଓ ୮୨.୩୩ ଟଙ୍କା ରହିଛି।
ସେହିପରି ନୂଆ ଦର ପରେ ଓଡ଼ିଶାର ଭୁବନେଶ୍ୱରେ ଆଜି ପେଟ୍ରୋଲର ଲିଟର ପିଛା ଦର ୩୧ ପଇସା ବୃଦ୍ଧି ପାଇଛି। ପେଟ୍ରୋଲର ଲିଟର ପିଛା ଦର ୯୦ ଟଙ୍କା ଛୁଇଁବାକୁ ବସିଛି। ଆଜି ଭୁବନେଶ୍ୱରରେ ପେଟ୍ରୋଲର ଲିଟର ପିଛା ଦର ୮୯.୧୪ ଟଙ୍କା ରହିଛି। ସେହିପରି ଭୁବନେଶ୍ୱରରେ ଡିଜେଲ ଦର ୪୦ ପଇସା ମହଙ୍ଗା ହୋଇଛି। ନୂଆ ଦର ପରେ ଭୁବନେଶ୍ୱରରେ ଡିଜେଲର ଲିଟର ପିଛା ଦର ୮୫.୮୦ ଟଙ୍କାରେ ପହଞ୍ଚି ଯାଇଛି।
Please follow and like us:
47total visits,2visits today
