ଖୋଲିବ ରମାଦେବୀ ଛାତ୍ରୀ ଝରାଫୁଲ ମୃତ୍ୟୁ ରହସ୍ୟ। ଯାଜପୁର ପୋଲିସକୁ ମିଳିଲା ଝରାଫୁଲଙ୍କ ଭିସେରା ରିପୋର୍ଟ। ଭିସେରା ରିପୋର୍ଟ ମିଳିବା ପରେ ମୃତ୍ୟୁ ରହସ୍ୟ ଖୁଲାସା ହେବ ବୋଲି ଆଶା କରାଯାଉଛି। ପୋଲିସ ଏନେଇ ଅଧିକ ସୂଚନା ଆଜି ସନ୍ଧ୍ୟାରେ ପ୍ରେସମିଟ କରି ଦେବ। ଏହା ପୂର୍ବରୁ ଝରାଫୁଲର ମୃତ୍ୟୁ ନେଇ ଅନେକ ଦ୍ୱନ୍ଦ ସୃଷ୍ଟି ହୋଇଥିଲା। ଶ୍ୱାସ ରୁଦ୍ଧ କାରଣରୁ ଏବଂ ଖାଦ୍ୟ ଜନିତ କାରଣରୁ ମୃତ୍ୟୁ ହୋଇଥିବା ପୂର୍ବରୁ ଖବର ମିଳୁଥିଲା। କିନ୍ତୁ ଏବେ ଭିସେରା ରିପୋର୍ଟ ଆସିଲା ପରେ ସ୍ପଷ୍ଟ ହେବ ମୃତ୍ୟୁର କାରଣ କଣ ରହିଥିଲା।

ସୂଚନାଯୋଗ୍ୟ, ଗତ ୨୭ ତାରିଖରେ ଦୁଇ ଜଣ ଯୁବକ ଏକ ସ୍କୁଟିରେ ଝରାଫୁଲଙ୍କ ମୃତଦେହକୁ ଆଣି ଯାଜପୁର ଜିଲ୍ଲା କୁଆଖିଆ ଥାନା ଅନ୍ତର୍ଗତ ମୂଳାପାଳ ଛକ ରାସ୍ତା ପାର୍ଶ୍ୱରେ ଫିଙ୍ଗି ଦେଇଥିଲେ। ଯାହା ସିସିଟିଭିରେ କଏଦ ହୋଇଛି। ମୃତଦେହ ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। କୁଆଖିଆ ପୋଲିସ ଓ ଯାଜପୁରରୋଡ୍‌ ଏସଡିପିଓ ଚିନ୍ମୟ କୁମାର ନାୟକ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଥିଲା। ଝରାଫୁଲଙ୍କ ଝିଅର ମୃତଦେହ ଚିହ୍ନଟ କରିବା ପରେ ତାଙ୍କ ଅଭିଯୋଗ ଅନୁଯାୟୀ ଝରାଫୁଲଙ୍କ ବୟଫ୍ରେଣ୍ଡ ରାକେଶ ସ୍ୱାଇଁଙ୍କୁ ଗିରଫ କରିଥିଲା। ହେଲେ ତାଙ୍କ ସହଯୋଗୀ ଏ ଯାଏ ପୋଲିସ କବଜାରୁ ଫେରାର ଅଛନ୍ତି। ତେବେ ଭିସେରା ରିପୋର୍ଟରୁ ସତ୍ୟ ଉନ୍ମୋଚନ ହେବ ବୋଲି ଆଶା କରାଯାଉଛି ।

59total visits,1visits today