୭୨ ତମ ସାଧାରଣତନ୍ତ୍ର ଦିବସ ପୂର୍ବରୁ ଦେଶବାସୀଙ୍କୁ ବାର୍ତ୍ତା ଦେଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। କରୋନା କଟକଣା ଭିତରେ ଆସନ୍ତାକାଲି ସମଗ୍ର ଦେଶରେ ତ୍ରିରଙ୍ଗା ଉଡ଼ିବ। ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଚାଷୀଙ୍କ ଠାରୁ ଅର୍ଥନୀତି ଯାଏ ଦେଶବାସୀଙ୍କୁ ସନ୍ଦେଶ ଦେଇଛନ୍ତି।

ରାଷ୍ଟ୍ରପତି ସମସ୍ତଙ୍କୁ ରାଷ୍ଟ୍ରପତି ଶୁଭକାମନା ଜଣାଇବା ସହିତ ଦେଶ ପ୍ରତି କୃଷକଙ୍କଠାରୁ ଆରମ୍ଭ କରି ବୈଜ୍ଞାନିକ, ଯବାନଙ୍କଠାରୁ ଆରମ୍ଭ କରି ସ୍ବାସ୍ଥ୍ୟକର୍ମୀ, ଡାକ୍ତର ପର୍ଯ୍ୟନ୍ତ ସମସ୍ତଙ୍କ ଅବଦାନ ଉପରେ ଆଲୋକପାତ କରିଛନ୍ତି।

ଏହି ଅବସରରେ ରାଷ୍ଟ୍ରପତି କହିଥିଲେ, ଆମର ଏହି ଦେଶରେ ବିବିଧତାରେ ସମୃଦ୍ଧ ଆମ ଜାତୀୟ ଉତ୍ସବକୁ ସମସ୍ତେ ବଡ଼ ଦେଶଭକ୍ତିର ସହ ପାଳନ କରନ୍ତି। ଗଣତନ୍ତ୍ର ଦିବସର ରାଷ୍ଟ୍ରୀୟ ପର୍ବକୁ ମଧ୍ୟ ଆମେ ସମ୍ପୂର୍ଣ୍ଣ ଉତ୍ସାହ ସହିତ ପାଳନ କରିବା ଏବଂ ଆମ ଜାତୀୟ ପତାକା ତଥା ସମ୍ବିଧାନ ପ୍ରତି ସମ୍ମାନ ଓ ଆସ୍ଥା ବ୍ୟକ୍ତ କରିବା।

ଏଥିସହ ବିଶ୍ୱର ସବୁଠାରୁ ବଡ଼ ଟିକାକରଣ କାର୍ଯ୍ୟକ୍ରମ ଆରମ୍ଭ କରିଛି। ନୂଆ ଭାରତର ମୂଳଦୁଆ ଭାବେ ନ୍ୟାଶନାଲ ଏଡୁକେସନ ପଲିସି ୨୦୨୦କୁ କାର୍ଯ୍ୟକାରୀ କରାଯାଇଛି। ବିଶ୍ୱସ୍ତରରେ ଭାରତୀୟମାନେ ନିଜର ପରାକ୍ରମ ଦେଖାଇଛନ୍ତି। ବାବାସାହେବ ଡା ଭୀମରାଓ ଆମ୍ବେଦକର ୧୯୪୮ ମସିହା ନଭେମ୍ବର ୪ରେ ଯେଉଁ କଥା କହିଥିଲେ, ତା’କୁ ବିଚାରକୁ ନେଇ ଆମେ ସମ୍ବିଧାନର ମୂଳ ଆଦର୍ଶରେ ଆଗକୁ ବଢ଼ିବା। ଆମ ଗଣତନ୍ତ୍ରର ସବୁଠାରୁ ବଡ଼ ଶବ୍ଦ ହେଲା ସମାନତା। ନ୍ୟାୟ, ସ୍ୱତନ୍ତ୍ରତା, ସମାନତା ଓ ବନ୍ଧୁତା ଆମ ଜୀବରନ ମୂଳ ଭାବେ ସର୍ବଦା ରହିଛି।

ଏମଏସଏମକୁ କ୍ଷେତ୍ରକୁ ଅଧିକ ପ୍ରୋତ୍ସାହନ ଦିଆଯାଉଛି। ଏହାଦ୍ୱାରା ଦେଶର ଅର୍ଥନୀତି ଆଗକୁ ବଢ଼ିବା ସହ ନିଯୁକ୍ତି ସୁଯୋଗ ମଧ୍ୟ ସୃଷ୍ଟି ହୋଇପାରିବ। ଆମ କୃଷକ ଭାଇମାନଙ୍କ ପ୍ରତି ସାରା ଦେଶବାସୀ କୃତଜ୍ଞତା ଜଣାଉଛନ୍ତି। କାରଣ ଦେଶକୁ ଦେଶକୁ ଆତ୍ମନିର୍ଭର କରାଇବାରେ ଏମାନଙ୍କର ଭୂମିକା ସବୁଠୁ ଅଧିକ।

ପ୍ରଧାନମନ୍ତ୍ରୀ ବିପର୍ଯ୍ୟୟକୁ ଏକ ସୁଯୋଗରେ ପରିଣତ କରି ‘ଆତ୍ମନିର୍ଭରଶୀଳ ଭାରତ ଅଭିଯାନ‘ର ଆହ୍ବାନ କରିଛନ୍ତି। ଆମର ଜୀବନ୍ତ ଗଣତନ୍ତ୍ର, ଆମର ପରିଶ୍ରମୀ ତଥା ଦକ୍ଷ ଦେଶବାସୀ- ବିଶେଷକରି ଆମର ଯୁବ ଜନସଂଖ୍ୟା- ଏକ ଆତ୍ମନିର୍ଭରଶୀଳ ଭାରତ ଗଠନ ପାଇଁ ଆମର ଉଦ୍ୟମକୁ ଶକ୍ତି ପ୍ରଦାନ କରୁଛନ୍ତି’ ବୋଲି ରାଷ୍ଟ୍ରପତି କହିଥିଲେ।

61total visits,1visits today