ରାଜସ୍ତାନର ଜାଲୋରରେ ଗତ ରାତିରେ ବସରେ ନିଆଁ ଲାଗିଯିବାରୁ ୬ ଯାତ୍ରୀଙ୍କ ମୃତ୍ୟୁ ହୋଇଛି । ଏହି ଯାତ୍ରୀବାହୀ ବସଟି ବିଦ୍ୟୁତ୍ ତାର ସଂସ୍ପର୍ଶରେ ଆସିଯାଇଥିଲା । ଏହାପରେ ସଙ୍ଗେ ସଙ୍ଗେ ବସରେ ନିଆଁ ଲାଗିଯାଇଥିଲା । ଆଉ ଦେଖୁ ଦେଖୁ ବସରେ ଥିବା ଯାତ୍ରୀମାନେ ବସରେ ଫଶି ଯାଇଥିଲେ । ଏଥିରେ ୬ଜଣଙ୍କ ଜୀବନ ଯିବା ସହ ୭ଜଣ ଗୁରୁତର ହୋଇଛନ୍ତି । ଏହି ଘଟଣାଟି ଜାଲୋରର ମହେଶପୁରରେ ଘଟିଛି । ଘଟଣାସ୍ଥଳରେ ପୋଲିସ ପହଞ୍ଚି ଆହତଙ୍କୁ ଚିକିତ୍ସାଳୟକୁ ପଠାଇଛନ୍ତି ।

ସୂଚନା ମୁତାବକ, ଗତକାଲି ବିଳମ୍ବିତ ରାତିରେ ଏହି ବସ୍‌ଟି ରାସ୍ତା ଭୁଲି ମହେଶପୁର ଗାଁ ଭିତରକୁ ପଶି ଯାଇଥିଲା। ଗାଁରେ ଗୋଟିଏ ସ୍ଥାନରେ ୧୧ କେଭି ବିଦ୍ୟୁତ୍ ତାର ଟିକେ ଓହଳି ପଡ଼ିଥିଲା। ବସ୍‌ରେ ତାରଟି ଲାଗିଯିବ ଦେଖି ସେଇଟିକୁ ଟିକେ ଉପରକୁ ଉଠାଇବାକୁ କଣ୍ଡକ୍ଟର ବସ୍‌ ଉପରକୁ ଚଢ଼ି ଯାଇଥିଲେ। ସେ ଏକ କାଠ ସାହାଯ୍ୟରେ ତାରଟିକୁ ଉପରକୁ ଉଠାଇବାକୁ ଚେଷ୍ଟା କରୁଥିବା ବେଳେ ତାହା ଛିଡ଼ି ତାଙ୍କ ଉପରେ ପଡ଼ିଥିଲା। ସେ ଓ ତାଙ୍କ ପଛରେ ଥିବା ଡ୍ରାଇଭର ବିଦ୍ୟୁତ୍ ତାର ସଂସ୍ପର୍ଶରେ ଆସି ଜୀବନ୍ତ ଜଳି ଯାଇଥିଲେ। ସେହିପରି ବିଦ୍ୟୁତ୍ ତାର ସଂସ୍ପର୍ଶରେ ଆସିବା ମାତ୍ରେ ବସ୍‌ଟିରେ ନିଆଁ ଲାଗିଯାଇଥିଲା। ବିଦ୍ୟୁତ୍ ଝଟକାରେ ୪ ଜଣ ଯାତ୍ରୀଙ୍କର ମୃତ୍ୟୁ ଘଟିଥିବା ବେଳେ ୨୪ ଜଣ ଗୁରୁତର ଆହତ ହୋଇଛନ୍ତି।

ସୂଚନା ପାଇ ପୁଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହ ଗୁରୁତରଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ୬ ଜଣ ଗୁରୁତରଙ୍କୁ ଯୋଧପୁର ଏମଡିଏମ ହସ୍ପିଟାଲକୁ ସ୍ଥାନାନ୍ତର କରାଯାଇଛି।

54total visits,1visits today