ରବିବାର ସକାଳୁ ଚିଲିକା ଓ ଭିତରକନିକାରେ ଆରମ୍ଭ ହୋଇଛି ଡଲଫିନ ଗଣନା । ଚିଲିକାରେ ବନବିଭାଗ ଏବଂ ସି ଡି ଏ ଦ୍ୱାରା ଗଣନା ଆରମ୍ଭ ହୋଇଛି । ଏହି ଗଣନାରେ ୧୮ଟି ଟିମ ଏବଂ ମୋଟ ୧୦୯ ଜଣ କର୍ମଚାରୀ ସାମିଲ ଅଛନ୍ତି । ଚିଲିକାର ସାତପଡ଼ା ରେଞ୍ଜରୁ ୮ଟି ଏବଂ ବାଲୁଗାଁ ରେଞ୍ଜ ରୁ ୧୦ ଟିମ ଦ୍ୱାରା ଚାଲିଛି ଗଣତି କାର୍ଯ୍ୟ। ଏହି ଗଣନା କାର୍ଯ୍ୟରେ ବନବିଭାଗ, ସି ଡି ଏ କର୍ମଚାରୀ, ସ୍ବେଚ୍ଛାସେବୀ, ପରିବେଶବିତ, ଓୟୁଟି ଛାତ୍ର ସାମିଲ ଅଛନ୍ତି ।
ସେହିପରି ସକାଳ ୭ଟାରୁ ଭିତରକନିକା ଜାତୀୟ ଉଦ୍ୟାନରେ ଡଲଫିନ ଗଣନା ଆରମ୍ଭ ହୋଇଛି । ଡଲଫିନ ବିଶାରଦ ମୁନ୍ତାଜ ଖାନଙ୍କ ନେତୃତ୍ୱରେ ବନବିଭାଗର ୯ଟି ଟିମ୍ ଗଣନା କାର୍ଯ୍ୟରେ ସାମିଲ୍ ଅଛନ୍ତି । ପ୍ରତି ଟିମରେ 5 ଜଣ ଲେଖାଏଁ ସଦସ୍ୟ ରହିଛନ୍ତି । ଦେବୀ ମୁହାଣରୁ ଧାମରା ମୁହାଣ ପର୍ଯ୍ୟନ୍ତ ଗଣନା କାର୍ଯ୍ୟ କରାଯିବ ବୋଲି ବନ ବିଭାଗ ସୂଚନା ଦେଇଛି । ଭିତନକନିକାରେ ୫ ପ୍ରକାର ଡଲଫିନ୍ ଦେଖିବାକୁ ମିଳନ୍ତି । ୨୦୧୫ ମସିହାରେ ଭିତରକନିକାରେ ୫ ପ୍ରଜାତିର ୨୭୦ଟି ଡଲଫିନ୍ ଦେଖିବାକୁ ମିଳିଥିଲା । ପୂର୍ବରୁ କେବଳ ଚିଲିକାରେ ଡଲଫିନ୍ ଗଣନା କରାଯାଉଥିଲା ଏବେ ଭିତରକନିକାରେ କରାଯାଉଛି ।
ସୂଚନା ଯେ, ୨୦୧୫ ମସିହାରେ ରାଜ୍ୟ ରାଜ୍ୟ ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ନିଷ୍ପତ୍ତି କ୍ରମେ ଭିତରକନିକା, ପୁରୀ, ବ୍ରହ୍ମପୁର, ଭଦ୍ରକ, ବାଲେଶ୍ୱର ଓ ବାରିପଦାରେ ଡଲଫିନ୍ ଗଣନା କରାଯାଉଛି ।
Please follow and like us:
38total visits,1visits today
