କରୋନା ମହାମାରୀ ଭିତରେ ଏବେ ଆତଙ୍କ ଖେଳାଇଛି ବାର୍ଡ ଫ୍ଲୁ । ହିମାଚଳ ପ୍ରଦେଶ, ହରିୟାଣା, ମଧ୍ୟପ୍ରଦେଶ, ଗୁଜରାଟ, ରାଜସ୍ତାନ, କେରଳ ଏବଂ ଉତ୍ତରପ୍ରେଦଶରେ ବାର୍ଡ ଫ୍ଲୁ ଭୂତାଣୁ ଚିହ୍ନଟ ହୋଇଥିବା ଖବର ସାମ୍ନାକୁ ଆସିଛି । ତେବେ ରାଜଧାନୀ ଦିଲ୍ଲୀ, ଛତିଶଗଡ ଏବଂ ମହାରାଷ୍ଟ୍ର ସମେତ ଅନେକ ରାଜ୍ୟରେ ପକ୍ଷୀମାନଙ୍କ ନମୁନା ପରୀକ୍ଷା ପାଇଁ ଲ୍ୟାବକୁ ପଠାଯାଇଛି ।

ବାର୍ଡ ଫ୍ଲୁକୁ ଦେଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ହାଇ ଅଲର୍ଟ ଜାରି କରିଛନ୍ତି । ଗାଜିପୁରରେ ଥିବା କୁକୁଡା ଫାର୍ମକୁ ୧୦ ଦିନ ପାଇଁ ବନ୍ଦ କରାଯାଇଛି । ଦିଲ୍ଲୀର ପ୍ରତି ଜିଲ୍ଲାରେ ନଜର ରଖିବା ପାଇଁ ସର୍ଭେଲାନ୍ସ ଟିମ ଗଠନ ହୋଇଛି । ସେପଟେ ପଶୁ ଡାକ୍ତରମାନେ ଲଗାତାର ସର୍ଭେ ଜାରି ରଖିଛନ୍ତି । ଏଥିସହ ମୃତ ପକ୍ଷୀଙ୍କ ସୂଚନା ଦେବା ପାଇଁ ଏକ ହେଲ୍ପ ଲାଇନ ନମ୍ବର ମଧ୍ୟ ଜାରି କରିଛନ୍ତି ଦିଲ୍ଲୀ ସରକାର।

ବାର୍ଡ ଫ୍ଲୁ ଭୂତାଣୁ ଚିହ୍ନଟ ନେଇ ସ୍ପଷ୍ଟ ହୋଇନଥିଲେ ସୁଦ୍ଧା ରାଜଧାନୀର ଭିନ୍ନ ଭିନ୍ନ ଅଞ୍ଚଳରେ ଲଗାତର ପକ୍ଷୀ ମୃତ୍ୟୁ ଖବର ସାମ୍ନାକୁ ଆସୁଛି, ଯାହା ସରକାରଙ୍କ ଚିନ୍ତା ବଢ଼ାଇ ଦେଇଛି। ନିକଟରେ ଦିଲ୍ଲୀର ଏକ ପାର୍କରେ ୧୭ଟି କାଉ ମରିପଡିଥିବା ଦେଖିବାକୁ ମିଳିଛି । ସହିପରି ଦ୍ୱାରକା ଡିଡିଏ ପାର୍କରେ ୨ଟି କାଉର ମୃତ୍ୟୁ ହୋଇଛି। ଦିଲ୍ଲୀ ସଞ୍ଜୟ ନଦୀରେ ୧୦ଟି ବତକ ମରି ପଡିଛନ୍ତି । ମୟୂର ବିହାର ଫେଜ୍-୩ରେ ଥିବା ଏକ ପାର୍କ ଭିତରେ ତିନିରୁ ଚାରି ଦିନ ହେବ କାଉ ମରି ପଡୁଥିବା ଦେଖିବାକୁ ମିଳିଛି ।

29total visits,1visits today