୨୦୦୮ ମସିହା ନଭେମ୍ବର ୨୬ (୨୬/୧୧)ରେ ହୋଇଥିବା ମୁମ୍ବାଇର ଆତଙ୍କବାଦୀ ଆକ୍ରମଣ ଘଟଣାକୁ ମନେପକାଇଛନ୍ତି ଦେଶର ନାମୀ ଶିଳ୍ପପତି ରତନ ଟାଟା। ୧୨ ବର୍ଷ ତଳେ ପାକିସ୍ତାନରୁ ଆସିଥିବା ଆତଙ୍କବାଦୀ ମୁମ୍ବାଇର ଅଲଗା ଅଲଗା ସହରରେ ଭୟଙ୍କର ଗୁଳିବର୍ଷା କରିଥିଲେ। ଏହି ଆତ୍ମଘାତୀ ଆକ୍ରମଣରେ ଆତଙ୍କୀମାନେ ତାଜ ହୋଟେଲ ଉପରକୁ ଅଧିକ ଟାର୍ଗେଟ୍ କରିଥିଲେ। ଘଣ୍ଟା ଘଣ୍ଟା ଧରି ହୋଇଥିବା ଏହି ଲୋମଟାଙ୍କୁରା ଆକ୍ରମଣରେ ଆତଙ୍କବାଦୀମାନେ ଖୋଜି ଖୋଜି ନିର୍ଦ୍ଦୋଷଙ୍କୁ ମାରିଥିଲେ।
— Ratan N. Tata (@RNTata2000) November 26, 2020
ଆଜି ମୁମ୍ବାଇ ଆକ୍ରମଣର ବାର୍ଷିକୀ ଅବସରରେ ଟାଟା ସନ୍ସର ପୂର୍ବତନ ଚେୟାରମ୍ୟାନ୍ ରତନ ଟାଟା ଭାବଭରା ପୋଷ୍ଟ ଲେଖିଛନ୍ତି। ଟାଟା ନିଜର ଟୁଇଟର୍ ଆକାଉଣ୍ଟରେ ଲେଖିଛନ୍ତି, ଶତ୍ରୁ ଉପରେ ବିଜୟ ହାସଲ ପାଇଁ ଯେଉଁମାନେ ଲଢ଼ିଛନ୍ତି, ଆମେ ସେମାନଙ୍କ ବଳିଦାନକୁ ସର୍ବଦା ମନେ ରଖିବୁ।
ଉଲ୍ଲେଖଯୋଗ୍ୟ, ୨୦୦୮, ନଭେମ୍ବର ୨୬ ତାରିଖରେ ଲସ୍କର-ଏ-ତୋଇବାର ୧୦ଜଣ ଆତଙ୍କବାଦୀ ସମୁଦ୍ର ଦେଇ ଏଠାରେ ପହଞ୍ଚିଥିଲେ। ଏହି ଭୟଙ୍କର ଆକ୍ରମଣରେ ୧୮ ସୁରକ୍ଷାକର୍ମୀଙ୍କ ସମେତ ୧୬୬ ଜଣ ଲୋକ ପ୍ରାଣ ହରାଇଥିବା ଥିବା ବେଳେ ଅନେକ ଲୋକ ଆହତ ହୋଇଥିଲେ। ୨୬/୧୧ ମୁମ୍ବାଇ ଆକ୍ରମଣରେ ହୋଇଥିବା କ୍ଷତିର ଭରଣା କରିବା ପାଇଁ ଏହି ଆଇକନିକ୍ ହୋଟେଲ୍କୁ ପ୍ରାୟ କେତେ ମାସ ଲାଗି ଯାଇଥିଲା। ଆକ୍ରମଣର ମାସକ ପରେ ହୋଟେଲ୍ ଖୋଲିଥିଲା।
Please follow and like us:
78total visits,1visits today
